Ozil, i paguar me hallall

Skuadra e Arsenalit ka filluar mrekullueshëm ndeshjen ndaj Napolit duke shënuar dy gola brenda 15 minutave që kanë qenë të mjaftueshme për të regjistruar fitoren e dytë në Grupin F, pas asaj ndaj Olympique Marseille në xhiron e parë. 

Mesut Ozil ka treguar edhe njëherë cilësitë e tij duke ia bërë sefte me gol dhe duke asistuar në tjetrën të shënuar nga françezi Olivier Giroud. 

Napoli pas kësaj nuk ka arritur të këndellet asnjëherë gjatë ndeshjes, përkundër tentimeve, pasi që Arsenal ka pritur dhe ka tentuar me kundërsulme. 

Kjo është fitorja e dytë e Arsenalit në grup, derisa Napoli ka regjistruar humbjen e parë. 

Në ndeshjen tjetër, Borussia Dortmund ka kaluar lehtë pengesën e quajtur Olympique Marseille. Dy gola nga Robert Lewandowski dhe një nga Marco Reus kanë qenë të mjaftueshme për fitoren e parë të nënkampionit europian në Ligën e Kampionëve. 

GRUPI F, Rezultatet

Arsenal-Napoli	2-0
Dortmund-Marseille	3-0

GRUPI F, Tabela aktuale

1	Arsenal	6p.
2	Dortmund	3p.
3	Napoli	3p.
4	Marseille	0p.

FAKTE:

1	Arsenal nuk ka humbur nga një ekip italian në Londër që nga viti 2003
2	Sonte bëhen 1 muaj prej se Mesut Ozil erdhi në Arsenal