Çifti më i mirë i sulmit

Fitorja komode 1-3 në Sunderland, me dy golat e të rikthyerit Luis Suarez dhe një gol e dy asistime të sulmuesit në formë Daniel Sturridge ka bërë që trajneri uellsian i Liverpoolit, Brendan Rodgers, t’i konsiderojë ata më të mirët në Angli. 

“Liverpool aktualisht ka partneritetin më të mirë në sulm në Premier League. Suarez dhe Sturridge janë çifti më i mirë sulmues në Angli,” ka thënë Rogers, raporton Metro sot. 

“Për më tepër, Suarez është një çelik mentalisht. Asgjë nuk mund ta dekoncentrojë atë kur është në fushë dhe këtë e ka treguar dje,” shkruan më tej Metro, duke përcjellë fjalët e Rodgersit. 

Liverpool është aktualisht në vendin e dytë të tabelës së klasifikimit, me dy pikë më pak se Arsenali lider.