Fabregas nxjerr fitues Barçën

Kampionja e Spanjës, Barcelona, e cila stinorin e kaluar ishte mposhtur nga Celticu në Skoci, kësaj radhe ka arritur t’i mposht skocezët zemërmëdhenjë. 

Ka qenë një gol i shënuar nga Cesc Fabregas me kokë, pas asistimit të zëvendësuesit Alexis Sanchez, që ka bërë dallimin në ndeshje. Mirëpo, ky gol i Barcelonës ka ardhë vetëm pasi që Celtic ka mbetur me dhjetë veta pas përjashtimit të Scott Broën, pas një fauli ndaj Neymarit. 

Kjo ka qenë fitorja e dytë e Barcelonës në Grupin H, pas asaj ndaj Ajaxit në xhiron e parë. 

Në ndeshjen tjetër të grupit të luajtur në Amsterdam Arena, Ajax dhe Milan kanë barazuar 1-1 me golat e shënuar në çastet e fundit të lojës. 

Ajax ka marrë pikën e parë në grupin e vdekjes, apo të ish kampionëve, derisa Milan të katërtën. 

GRUPI H, Rezultatet

GRUPI H, Tabela aktuale