Këtë javë përgjigjja e Januzajt

Kosova pret përgjigje pozitive nga talenti i Manchester Unitedit, Adnan Januzaj, për ndeshjen historike ndaj Haitit më 5 mars në stadiumin Adem Jashari të Mitrovicës. 

Sipas agjencisë së lajmeve Reuters, që citon sekretarin e përgjithshëm të FFK-së, Eroll Salihu, ftesa për Januzajn është simbolike dhe është tepër me rëndësi ardhja e tij në ndeshje ku do të paraqitej 10-15 minuta. 

Duke treguar se FFK ka biseduar me axhën dhe babain e Januzajt, Salihu ka treguar se presin përgjigje nga Januzaj deri në fund të kësaj jave. 

Kosova do të zhvillojë ndeshjen e parë miqësore ndërkombëtare të pranuar nga FIFA më 5 mars ndaj Haitit dhe paraqitja e Januzajt do të ndikonte shumëfish më shumë në reklamimin e vendit dhe ekipit kosovar në arenë ndërkombëtare.