Kombëtarja pa stadium, nikoqire në Turqi

Kombëtarja shqiptare nuk ka stadium të pranuar nga UEFA-ja për ndeshjet e saja. Tashmë, FSHF-ja ka konfirmuar zyrtarisht se Shqipëria dhe Bellorusia në miqësoren e 15 nëntorit do të takohen në Antalya të Turqisë. 

Stadiumi Akdeniz University në Antalya ka kapacitet prej 7 mijë e 100 ulësesh dhe është stadium i ri, i hapur në vitin e kaluar. 

Për më tepër, Federata shqiptare e futbollit ka arritur marrëveshje me Federatën belloruse që pagesa për stadium të jetë e përbashkët, ani pse Shqipëria luan në cilësi të vendases! 

Data 15 nëntor është ditë e lirë nga FIFA, prandaj përfaqësueset nxitojnë për të gjetur kundërshtarë të denjë për përgatitje. E Shqipëria memzi kishte gjetur kundërshtaren e saj, pasi që përveç bellorusëve, opcioni tjetër ishte San Marino.