Atletico kryeson pa humbje

Ndeshja e sontme ndërmjet Atletico Madridit dhe Austria Wien-it, kaloi më lehtë se që pritej për vendasit.

Madrilenët e mposhtën kundërshtarin e tyre me rezultat të thellë 4-0, për ta siguruar kualifikimin e mëtejmë në Ligën e Kampionëve, pas bilancit perfekt prej katër fitoreve në po aq ndeshje.

‘Shfaqjen shumëgolëshe’ e hapi qendërmbrojtësi brazilian Miranda (11’), derisa atij iu bashkangjitën edhe Raul Garcia (25’) dhe Filipe Luis (45’) gjatë pjesës së parë.

Goli i fundit i ndeshjes u shënua në minutën 82’ nga sulmuesi Diego Costa, i cili më parë kishte huqur rastin për të shënuar nga pika e bardhë (75’).

Në përballjen tjetër të këtij grupi, skuadra e Zenitit dhe ajo e Portos u ndanë miqësisht nga fushë pasi që ndeshja përfundoi me rezultat të barabartë 1-1.

Lucho Gonzalez (23’) ishte ai i cili shënoi për Porton, kurse braziliani Hulk e barazoi rezultatin në 1-1. Ky i fundit e kishte rastin që t’ia sigurojë fitoren skuadrës së tij po të ishte më i vëmendshëm në minutën 52’ kur nuk arriti të shënojë nga penalltia.

FAKT:

Tabela aktuale e grupit G