Mushica mbron, Prishtina fiton

Prishtina e Afrim Tovërlanit ka filluar të këndellet. Ata sot kanë mposhtur Trepçën 89 në Mitrovicë me rezultat 2-0 duke u rikthyer në TOP 3-shen e Superligës. 

Prishtina e nisi mirë ndeshjen ku pas një krosimi të Azem Ahmetit, Adnan Haxhaj shënoi me kokë për epërsinë prishtinase. 

Loja tejet dramatike dhe me akcione të shumta kaloi me disa raste të dështuara nga ana e Blerim Berishës, kurse Kushtrim Mushica shkëlqente në portën e kampiones. 

Në fund të ndeshjes, kur Trepça 89 kishte mbyllur Prishtinën dhe kërkonte golin e barazimit, një kundërzbritje e shpejtë e organizuar mirë përfundoi me gol të kapitenit Driton Krasniqi për rezultatin përfundimtar. 

Në ndeshjet tjera, Besa arriti të mposhtë Trepçën 2-0 me anë të golave të Mensur Durakut dhe Nezir Malokut, derisa ndeshjet tjera Fushë Kosova e Hajvalia, si dhe Ferronikeli e Hysi barazuan pa gola sot. 

Prishtina ka shënuar fitoren e dytë me radhë pas humbjes nga Ferizaji si mysafir. 

Rezultatet dhe tabela aktuale.