S’kemi thënë fjalën e fundit

Vetëm edhe dy xhiro kanë mbetur për të përcaktuar udhëtuesin e fundit nga Grupi B i Ligës së Kampionëve. 

Derisa Real Madrid ka siguruar kualifikimin, Juventus është në vend të fundit të grupit, me një pikë më pak se Galatasaray dhe Kobenhavn. 

Mirëpo, kryetrajneri italian i Juventusit, Antonio Conte ka thënë se ‘bianconerët’ ende nuk e kanë thënë fjalën e fundit në Ligë të Kampionëve. 

“Ne mund të luajmë në nivel të Realit, këtë e treguam edhe mbrëmë. Nuk është marre të humbasësh nga Reali, sidoqoftë, ne do të bëjmë gjithçka për t’u kualifikuar pasi që ende nuk e kemi thënë fjalën e fundit,” ka thënë Conte, citojnë mediat italiane sot. 

Juventus nuk ka shënuar asnjë fitore në katër ndeshjet e para të Grupit B, derisa dy ndeshjet e fundit do t’i luajë ndaj Kobenhavnit si vendas dhe Galatasarayit si mysafir.