Grupi i paqartë

Sulmuesi holandez i Manchester Unitedit, Robin Van Persie, ka dështuar të shënojë nga penalltia ndaj ekipit bask, Real Sociedad dhe kështu ‘djajt e kuq’ është dashur të kënaqen me barazim pa gola në Spanjë. 

Në anën tjetër për edhe më keq, belgu Marouane Fellaini, u përjashtua (me dy të verdha) pas një fauli të pakuptimtë ndaj David Zurutuzas së Sociedadit, që e la ekipin e tij të luftojë edhe për atë pikë në fund të takimit. 

Edhe ndeshja tjetër e Grupit A ndërmjet Shakhtarit të Donetskut dhe Bayer Leverkusenit përfundoi pa gola dhe me këtë rezultat ka lënë grupin ende të paqartë. 

Real Sociedad ka fituar pikën e parë, derisa të tjerët kanë dallime shumë të vogla në mes tyre dhe asnjëra nuk e ka të sigurtë kualifikimin, që do të thotë se ndeshjet e fundit të Manchester United, Bayer Leverkusen dhe Shakhtar Donetsk e Real Sociedad do të sjellin dramë të vërtetë.   

TABELA AKTUALE GRUPI A: