Kush kualifikohet?

Pas gjysmës së ndeshjeve të grupeve të zhvilluara në xhiron e kaluar, sonte dhe nesër mbrëma luhen ndeshjet e xhiros së katërt të Ligës së Kampionëve. 

Skuadrat prej Grupit A deri në D i zhvillojnë ndeshjet sonte, derisa Grupi E deri në H, nesër. 

Në Grupin B, Real Madridi është shumë afër sigurimit të biletës nëse fiton sonte ndaj Juventusit. Bile, për më tepër madrilenët do të sigurojnë kualifikimin me barazim nëse Kobenhavn mposhtet nga Galatasarayi në ndeshjen tjetër të grupit. 

Paris St Germain do të sigurojë kualifikimin thjeshtë - me fitore. Ndeshja ndaj Anderlechtit dhe fitorja në atë, do t’ua mund tu sigurojë edhe stinorin e dytë në të tetën e finales për parisienët e udhëhequr nga Laurent Blanc. 

Mbrojtësi i titullit Bayern Munchen dhe Manchester City do të shpresojnë në kualifikim gjithashtu. Bayern do të sigurojë kualifikimin me fitore derisa, Manchester Cityt do t’i duhet fitorja ndaj CSKA Moskës për të arritur kualifikimet - dhe atë për herë të parë në histori të tyre qëkur mbahet Liga e Kampionëve. 

Edhe Atletico Madrid mund të sigurojë daljen në 16-she më të mirë të Ligës së Kampionëve me fitore ndaj Austrias së Vjenës. Mirëpo, ata do të kalojnë grupin gjithashtu edhe me barazim nëse Zeniti mposht Porton. 

Barcelona me fitore ndaj Milanit, është skuadra e fundit që në këtë fazë (xhiron e katërt) do të mund të sigurojë kualifikimin më tutje.