GRUPI D
REUTERS
Bayern dhe City, sigurojnë
5 November, 2013 @22:53
Dyshja kryesuese e Grupit D, Bayern Munchen dhe Manchester City, kanë arritur që me fitoret e sontme të sigurojnë fazën pranverore të Ligës së Kampionëve.
Kampioni aktual europian, Bayern Munchen, me anë të golit të vetëm të shënuar nga sulmuesi kroat i tyre, që sonte hyri si zënvedësues, Mario Mandzukic, kanë arritur të sigurojnë kualfikimin në fazën tjetër të Ligës së Kampionëve.
Kundërshtari i tyre, Viktoria Plzen, do të luftojë me rusët e CSKA-së së Moskës për një vend (pozita e tretë) që çon në Europa League, pasi që edhe këta të fundit kanë humbur nga Manchester City bindshëm 5-2 në Etihad.
Serinë e golave për ‘qytetarët’ e ka nisur sulmuesi i tyre në formë, Sergio Aguero, ndërsa e ka përfunduar me hat-trick transferi i këtij viti, Alvaro Negredo.
Ky është kualifikimi i parë nga grupi për në TOP 16 të Ligës së Kampionëve në histori të pjesës së kaltër të Manchesterit, pasi që në dy stinorët e fundit ata nuk kanë arritur as të kalojnë fazën grupore.
TABELA AKTUALE GRUPI D:
| 1 | Bayern Munchen | 12 pikë | ||
| 2 | Manchester City | 9 pikë | ||
| 3 | CSKA Moska | 3 pikë | ||
| 4 | Viktoria Plzen | 0 pikë |
