Të gjithë na frikësohen

Spanjolli Manuel Pellegrini ka arritur ta fusë Manchester Cityn për herë të parë në të tetën e finales së Ligës së Kampionëve në histori të klubit. 

Nënkampioni i Anglisë mbrëmë ka gozhduar CSKA-në e Moskës me rezultat 5-2 ku sulmuesit latin të Cityt shënuan të pesë golat. 

Sergio Aguero shënoi dy të parat, derisa Alvaro Negredo hat-trick. 

“Jam i lumtur për arritjen, pasi që klubi nuk e arriti këtë në dy vitet e kaluara. Kemi arritur kualifikim të rëndësishëm, ndërsa tash e tutje ekipi ka fituar vetëbesimin e nevojshëm dhe të gjithë kundërshtarët e mundshëm do të tentojnë të evitojnë Cityn në duele të TOP 16-shes,” kanë qenë fjalët e Pellegrinit për media, raportojnë sot mediat angleze. 

Manchester City në dy vitet e fundit kishte rënë në grupe të ‘vdekjes’ dhe nuk kishte arritur që të dalë nga grupet përkundër qindra milionëve të investuar.