Riether i kërkon falje Januzajt

Mbrojtësi 30 vjeçar i Fulhamit, Sascha Riether, i ka kërkuar falje mesfushorit kosovar, Adnan Januzaj, pas goditjeve dhe shkeljes që i kishte bërë në ndeshjen Fulham-Manchester United të zhvilluar fundjavën që shkoi. 

Kështu kanë njoftuar mediat angleze sot, pas kritikave të mëdha që i morri gjermani Riether i cili pritet të dënohet për sjelljet e tij nga Federata angleze e futbollit. 

Januzaj kishte ndikuar pozitivisht në lojën e Manchesterit, duke regjistruar edhe një asistim në ndeshje, saktësisht në golin e dytë të skuadrës të shënuar nga Robin Van Persie.