GRUPI E
REUTERS
Eto’o i jep shpirt Chelseat
6 November, 2013 @22:49
Chelsea i Jose Mourinhos ka ndezur sonte motorët ndaj Schalkes për të marrë primatin e Grupit E të Ligës së Kampionëve.
Kamerunasi Samuel Eto’o ka shënuar dygolësh në fitoren prej 3-0 të londinezëve, derisa zëvendësuesi i tij, Demba Ba, ka shënuar golin e fundit të takimit.
Me fitoren e sontme Chelsea ka dalë në vend të parë të grupit pas startit befasues, kur u mposhtën nga Baseli në Stamford Bridge.
E Baseli ka siguruar barazimin ndaj Steauas si vendas, 1-1. Kosovari Taulant Xhaka ka qenë për 90 minuta në lojë, derisa Arlind Ajeti ka mbetur gjatë gjithë ndeshjes në bankën rezervë për kampionin zviceran.
Kalimi i hershëm në epërsi i Steauas, ka qenë befasues dhe Basel ia ka mohuar fitoren e parë të rumunëve në grup në minutat shtesë të takimit me anë të golit të zëvendësuesit, Giovanni Sio.
TABELA AKTUALE GRUPI E:
| 1 | Chelsea | 9 pikë | ||
| 2 | Schalke | 6 pikë | ||
| 3 | Basel | 5 pikë | ||
| 4 | Steaua | 2 pikë |
