Kombëtarja U-19 nis me humbje

Tinejxherët kuqezi kanë nisur me humbje ciklin kualifikues për EURO 2015. Në ndeshjen e zhvilluar sot ndaj Danimarkës, kuqezinjtë janë mposhtur me rezultat minimal 1-0. 

Golin e vetëm dhe të fitores për Danimarkën e shënoi sulmuesi danez Rezan Corlu i cili realizoi në minutën e 57-të të ndeshjes për fitoren e skandinavëve. 

Shqipëria U-19, që gjendet në Grupin 7 kërkon kualifikimin në Elite Round. Përveç Danimarkës, në grup me Shqipërinë bëjnë pjesë edhe Portugalia e Uellsi. 

Portugalia mposhti Uellsin 2-1 në ndeshjen tjetër të grupit. 

Kombëtarja U-19 që udhëhiqet nga Altin Lala, brenda javës do t’i zhvillojë të gjitha ndeshjet e grupit, që luhen në Portugali. 

Sistemi i kualifikimit për Elite Round është se nga grupi dalin dy ekipe, ndërsa skuadrat zhvillojnë nga një ndeshje me kundërshtarët e grupit. 

Më 14 nëntor shpresat e reja kuqezi takohen me Portugalinë në Parchal, derisa më 17 nëntor luajnë ndeshjen e fundit të grupit ndaj Uellsit, gjithashtu në Parchal. 

Shqipëria U-19 ndaj Danimarkës:

SHQIPËRIA: Elezaj, Toli, Humolli, Kariqi, Bregasi (Stublla 17’), Laci, Rashica (Lokaj 72’), Bare, Cekici, Hoxhalli, Manaj, Morina (Manaj 60’). Trajner: Altin Lala

Ndeshjet e radhës:

1	14 nëntor	Shqipëria - Portugalia
2	17 nëntor	Uellsi - Shqipëria

Tabela aktuale:

1	Portugalia	3 pikë
2	Danimarka	3 pikë
3	Uellsi	0 pikë
4	Shqipëria	0 pikë