TURQI
Yanal në vend të Halilhodzic
12 November, 2014 @14:09
Përkundër se ia nisën stinorit me premtime të mëdha, ekipit turk Trabzonspor, nuk i shkoi asgjë sipas planeve.
Kështu, ekipi nga Deti i Zi ka larguar trajnerin e emëruar gjatë verës, Vahid Halilhodzic, nga detyra dhe sot ka paralajmëruar zyrtarisht se do të emërojë trajner të ri të skuadrës Ersun Yanal.
Boshnjaku Halilhodzic që udhëhoqi Algjerinë gjatë Kampionatit Botëror “Brazili 2014”, morri me vete edhe 1.6 milionë dollarë për shkak të prishjes së kontratës para kohe.
E trajneri i ri i Trabzonit, Yanal, stinorin e shkuar e bëri Fenerbahçen kampion, por për çudi u shkarkua nga detyra e tij!
Trabzonspor ka vetëm dy fitore nga 9 xhiro të zhvilluara deri më tani dhe ka 6 barazime krahas 1 humbjeje.
Futbollistë të njohur si Oscar Cardozo, Mustapha Yatabare, Carl Medjani, Essaid Belkalem janë pjesë të Trabzonit që kanë arritur sivjet aty me kërkesë të trajnerit.
