LOUIS VAN GAAL
Komunikacioni i dendur, shkak pse u larguan tifozët
11 January, 2016 @20:56
Trajneri holandez i Manchester Unitedit, Louis Van Gaal, u pyet nga gazetarët sot se pse tifozët u larguan nga Old Trafford para se të përfundojë ndeshja e FA Cup ndaj Sheffield United.
“Ndoshta pse nuk shënuam. Ndoshta për shkak të trafikut të dendur. Ka shumë arsye pse ata mund të kenë dalë nga stadiumi pa përfunduar ndeshja,” ka thënë strategu holandez.
“Mund të jeni sado që të doni negativ, por ne jemi kualifikuar tutje,” ka shtuar Van Gaal, transmeton BBC Sport.
Manchester United nuk kishte regjistruar asnjë shut drejt portës së kundërshtarit nga një rang më i ulët i garave, deri në minutën e 69 të ndeshjes.
Në fund, ata fituan përmes një penalltie.
Shorti i radhës në FA Cup ka vënë përballë Manchester Unitedin ndaj Derby Countyt, si mysafir.
