BIE EDHE EKIPI I FUNDIT
Foto: premierleague.com
Kompletohen të rënit nga PremierLiga, 3 xhiro para fundit të stinorit
10 May, 2021 @23:03
Tashmë dilema nuk ka dhe tri ekipet e rëna nga Premier League 2020/21 janë kompletuar. Pas Sheffield Unitedit dhe West Bromwichit, është Fulham që nuk ka arritur të mbijetojë në elitë të futbollit anglez, pasi që sonte u mposht nga Burnley 0-2 në shtëpi.
Përndryshe, Burnley me këtë fitore ka siguruar PremierLigën për të gjashtin stinor radhazi dhe lufta e tyre gjithnjë e më shumë po admirohet për mënyrën e mbijetesës në ligën më të fortë - pa yje në ekip.
Ndeshja u zgjidh në 10 minutat e fundit të pjesës së parë, kur Ashley Westwood (35) e më pas edhe Chris Wood (44) shënuan për fitoren e mysafirëve, për të lënë ekipin e Scott Parkerit - jashtë Premier League.
