PAS MË SE 2 DEKADASH
Rikthim në Serie A pas 23 viteve
10 May, 2021 @17:01
Duke e siguruar pozitën e dytë në renditjen tabelare të Serie B, Salernitana ka vulosur rikthimin në Serie A për herë të parë pas 23 viteve.
Humbja e Monzës nga Brescia dhe fitorja e Salernitanës si mysafir ndaj Pescarës ka bërë që ekipi i drejtuar nga trajneri Fabrizio Castori të vulosë pjesëmarrjen në Serie A pas më se dy dekadash.
Kujtojmë, te Salernitana luan edhe mbrojtësi i kombëtares shqiptare Frederic Veseli, ndërsa skuadra me pozitën e dytë në renditje ka ikur nga PlayOffi që di të jetë shumë i rrezikshëm.
E në PlayOff, për të përcaktuar ekipin e tretë që do promovohet në Serie A stinorin tjetër do të ndeshen: Venezia - Chievo dhe Cittadella - Brescia. Pastaj fituesi i Venezia/Chievo ndeshet me Leccen, ndërsa fituesi i Cittadella/Brescia me Monzën. E pas kësaj luhet finalja mes fituesve për të përcaktuar përfundimisht ekipin e tretë pjesëmarrës në Serie A 2021/22.
Më parë, Empoli ka siguruar vendin e parë dhe bashkë me Salernitanën janë të sigurtë për stinorin tjetër në elitë.
