Konferencë për media sot! Pritet largimi i Bernard Challandes

Federata e Futbollit e Kosovës (FFK) ka paralajmëruar konferencë për shtyp sot në ora 13:00, ndërsa burime brenda FFK-së bëjnë të ditura se pritet që të konfirmohet largimi i selektorit Bernard Challandes nga Kosova.

Challandes, pas një cikli të mirë kualifikues për EURO2020, pastaj suksesit në edicionin e parë të Ligës së Kombeve, kur çoi Kosovën nga Liga D në C, kaloi një periudhë jo të mirë gjatë kualifikimeve për Botëror 2022 dhe Ligën e Kombeve C, ku kryesisht pat mungesa nga COVID-19, por mungoi edhe performanca e dëshiruar.

Së fundi, humbja e djeshme ndaj Gjeorgjisë është parë si kulminacion i rezultateve jo të mira, pasi që Kosova ka rënë në pozitën e fundit të Grupit B kualifikues për Botëror. Ai ka kontratë edhe një vjet me Kosovën.