Kontratë profesionale për vëllaun e Bersant Celinës

Është vetëm 15 vjeç, mirëpo interesimi i skuadrave profesionale ka filluar qysh tash për të.

Është ky Loti Celina, vëllau i vogël i futbollistit të Manchester Cityt dhe reprezentuesit të përfaqësueses së Kosovës, Bersant Celinës.

Loti Celina ka nënshkruar kontratë deri më 2017 me skuadrën Stromsgodset, duke nënshkruar kështu kontratën e parë profesionale për të.

Pjesë e skuadrës Stromsgodset më parë ka qenë edhe vetë Bersant Celina, si dhe vëllau i tij i madh, Behajdini, i cili aktualisht luan për skuadrën Drammen.

Celina i vogël është gjithashtu edhe reprezentues i rregullt i grupmoshave të reja të përfaqësueses së Norvegjisë.