GRUPI F: KOREA-GJERMANIA
Korea luan futboll, çon kampionin në shtëpi
27 June, 2018 @17:57
Suedia ia kishte lehtësuar punën Gjermanisë. Me epërsi prej 3-0 ndaj Meksikës, Suedia kualifikohej, ndërsa Gjermanisë i duhej një fitore 1-0 për të arritur kualifikimin.
Por, pasoi super-befasia. Korea Jugore që nuk kishte gjasa për kualifikim me fitore të Suedisë në ndeshjen tjetër, ka shënuar fitore me dy gola të shënuara krejt në fund të takimit - për t’i dhënë fund Gjermanisë kampione aktuale.
Gjermania përfundon e fundit në grup, ndërsa Korea Jugore e treta, derisa Suedia e Meksika kualifikohen nga Grupi F, ku panzerët llogariteshin favoritë absolut.
