U17
Kosova U17 kthehet me fitore nga Aegean Cup 2020
23 January, 2020 @12:29
Pas humbjeve të regjistruara në ndeshjet grupore të turneut, të përzgjedhurit e Besnik Kollarit kanë shënuar fitore në ndeshjen lamtumirëse të turneut Aegean Cup, që u mbajt në Izmir të Turqisë përgjatë javës që e lamë pas.
Kosova U17 mposhti Maqedoninë e Veriut në përballjen për plasman përfundimtar, duke e fituar ndeshjen me penallti, pas barazimit 2-2 në kohë të rregullt, me anë të golave të shënuara nga Luis Hoti.
Me këtë fitore të rinjtë dardanë janë pozicionuar në vend të shtatë në këtë turne, duke i ikur fundit, ndërsa kampione u bë Turqia U17 që në finale mposhti Korenë Jugore 2-1.
