LIGA E KOMBEVE 2020/2021
Liga e Kombeve 2020/2021: Të gjitha vazot dhe data e shortit
22 January, 2020 @11:52
Është përcaktuar data e shortit për edicionin 2020/2021 të Ligës së Kombeve.
Grupet e edicionit të ri të Ligës së Kombeve do të përcaktohen më 3 mars 2020 me fillim prej orës 18:00 (sipas kohës tonë lokale) në Amsterdam të Holandës. Shortin Kosova dhe Shqipëria e nisin në vazo të ndryshme të Ligës C, me ç‘rast mund të përballen mes vete në këtë garë.
Të gjitha vazot për shortin e Ligës së Kombeve 2020/2021:
Liga A
Vazo 1: Portugalia, Holanda, Anglia, Zvicra.
Vazo 2: Belgjika, Franca, Spanja, Italia.
Vazo 3: Bosnja dhe Hercegovina, Ukraina, Danimarka, Suedia.
Vazo 4: Kroacia, Polonia, Gjermania, Islanda.
Liga B
Vazo 1: Rusia, Austria, Uellsi, Republika Çeke.
Vazo 2: Skocia, Norvegjia, Serbia, Finlanda.
Vazo 3: Sllovakia, Turqia, Republika e Irlandës, Irlanda Veriore.
Vazo 4: Bulgaria, Izraeli, Hungaria, Rumania.
Liga C
Vazo 1: Greqia, SHQIPËRIA, Mali i Zi, Gjeorgjia.
Vazo 2: Maqedonia Veriore, KOSOVA, Bjellorusia, Qipro.
Vazo 3: Estonia, Sllovenia, Lituania, Luksemburgu.
Vazo 4: Armenia, Azerbajxhani, Kazakistani, Moldavia.
Liga D
Vazo 1: Gjibraltari, Ishujt Faroe, Letonia, Lihtenshtajni.
Vazo 2: Andorra, Malta, San Marino.
Si zakonisht, secili grup në ligat përkatëse përmban nga një skuadër nga secila vazo, ndërkohë që ndeshjet fillojnë nga shtatori i vitit 2020, e përfundojnë më pas me fazën finale në ershor 2021.
Xhiro 1: 3–5 shtator 2020
Xhiro 2: 6–8 shtator 2020
Xhiro 3: 8–10 tetor 2020
Xhiro 4: 11–13 tetor 2020
Xhiro 5: 12–14 nëntor 2020
Xhiro 6: 15–17 nëntor 2020
Finalet: 2, 3, 6 qershor 2021
Sa i përket lidhjes së Ligës së Kombeve 2020/2021 me Botërorin e Katarit 2022, nga Liga e Kombeve në Botëror direkt kualifikohen dy shtetet të cilat renditen më së larti nga të gjitha ligat e Ligës së Kombeve (shtetet që nuk e kanë siguruar kualifikimin në Botëror përmes fazës së rregullt kualifikuese). Në rast se një shtet e ka siguruar Botërorin me kualifikim të rregullt dhe njëkohësisht ndodhet në pozitat e Ligës së Kombeve që dërgojnë direkt në Botëror, në Botëror nga Liga e Kombeve shkon shteti që ndodhet një vend më poshtë në renditje (pra pozita bartet).