Kroos flet për transferin e mundshëm të Alabas në Real

David Alaba po numëron muajt e fundit në Bayern Munchen, pasi që nuk arriti akord me këta të fundit dhe në qershor pritet të mbetet lojtar i lirë.

Austriaku është përfolur se mund të kalojë tek Real Madrid, ndërsa për këtë u pyet mesfushori gjerman, Toni Kroos, pasi që këta të dy janë shokë të mirë. Por gjermani tha se nuk ka folur me mbrojtësin për këtë çështje.

“Nuk di asgjë. Nuk kam folur me Alaba, ai nuk më ka telefonuar. Por, e di se ai është i pjekur mjaft që t’i marrë vendimet e duhura. Nuk e di se çfarë oferta ka në tavolinë”, u shpreh “snajperi” gjerman.