Kthehet Huntelaar

Klaas-Jan Huntelaar, sulmuesi holandez i Schalkes është afër rikthimit të tij në fusha të gjelbëra pas lëndimit. 

Huntelaar i cili vuajti tërë gjysmëstinorin vjeshtor nga lëndimi në ligamente pritet të rikthehet për pjesën e dytë të stinorit në Bundesligë dhe Ligë të Kampionëve. 

Sulmuesi 30 vjeçar i gjermanëve do të jetë gati edhe për ndeshje ndaj ish ekipit të tij, Real Madrid, në Ligë të Kampionëve, gjë që është vlerësuar lartë nga krerët e klubit. 

Schalke ka arritur të kualifikohet për herë të dytë me radhë në të tetën e finales së Ligës së Kampionëve, ndërsa në Bundesligë nuk ka arritur rezultate të pritura duke përfunduar gjysmën e stinorit në vend të shtatë të tabelës së klasifikimit.