Atletico eliminon Valencian

Atletico Madrid që është në formë të jashtëzakonshme ka arritur që të eliminojë Valencian në ndeshjen e kthimit të së tetës së finales së Kupës së Mbretit të Spanjës. 

Ata kanë mposhtur Valencian sonte në Vicente Calderon 2-0 dhe janë kualifikuar te tetëshja më e mirë e Kupës, pasi që ndeshja e parë kishte përfunduar me barazim 1-1. 

Kanë qenë dy gola të shënuar me kokë në pjesë të dytë të ndeshjes, golat që i kanë dhënë Atleticos fitoren sonte, përkundër se ekipi i Diego Simeones do të mund të kalonte përpara edhe me rezultat 0-0, për shkak të rregullës së golave si mysafir. 

Mirëpo, Diego Godin dhe Raul Garcia nuk i kanë lënë asgjë fatit duke shënuar për 2-0 dhe duke e mbajtur në formë të mirë ekipin që po shkëlqen këtë stinor në të gjitha frontet.