Seedorf në Milan, ja stafi i tij

Ish mesfushori i Milanit, Clarence Seedorf, pritet të merr drejtimin e rossonerëve. Seedorf i cili aktualisht po luan në Botafogo të Brazilit, do të arrijë në Milano brenda dy-tre ditëve për të qartësuar detajet. 

Bile, Gazzetta dello Sport ka konfirmuar se marrëveshja me atë është arritur deri në qershor të vitit 2016, ku asistentë të tij do të jenë dyshja Hernan Crespo e Jaap Stam (gjithashtu ish lojtarë të Milanit). 

Mirëpo, Seedorf do të punojë me Mauro Tassottin deri në fund të këtij stinori. Në ndeshjen për Kupë ndaj Spezias, Tassotti do ta drejtojë skuadrën, derisa Seedorf pritet të arrijë të enjten në Milanello, të prezentohet të premten dhe të drejtojë skuadrën të shtunën ndaj Veronas. 

Kurse kanali televiziv Mediaset ka thënë se Seedorf mund të arrijë edhe në ndeshjen për Kupë ndaj Spezias, për të shikuar skuadrën nga tribunat.