Pak lojë, pak luftë, deri te fitorja

Arsenal ka arritur të shënojë fitore të rëndësishme mbrëmë ndaj Aston Villës në Villa Park. Topçinjtë me këtë fitore janë kthyer në krye të tabelës së Premier League, derisa trajneri françez, Arsene Wenger, është shprehur i kënaqur me paraqitjen e skuadrës së tij. 

“Na është dashur të luftojmë shumë, për shkak se ata na e bënë kështu ndeshjen. Në pjesën e parë luajtëm futboll, derisa në pjesën e dytë kemi luftuar fizikisht,” ka thënë fillimisht Wenger, raportojnë mediat angleze sot. 

Derisa në pyetjen lidhur me ecurinë drejt titullit të kampionit françezi ka qenë i rezervuar. 

“T’i shikojmë paraqitjet tona. Në çdo ndeshje duhet të kërkojmë tre pikë. E pastaj do të kuptohet nëse do të krijojmë dallimin e nevojshëm me skuadrat tjera,” planifikon Wenger. 

Arsenal ka mposhtur Aston Villën me dy gola të shpejtë të shënuar brenda dy minutave (34 dhe 35). Jack Wilshere ka shënuar golin e parë, derisa ka asistuar në të dytin të shënuar nga Olivier Giroud.