Historia shkruhet duke eliminuar Barçën

Ish kampioni i Premier League, Manchester City, që do të ndeshet me Barcelonën në Ligë të Kampionëve ka shpresa për të eliminuar katalonasit. 

Kështu së paku është shprehur ylli argjentinas i tyre, Sergio Aguero. Bile, ai ka thënë se nuk po mund të pres datën e ndeshjes ashtu që të shkruajë histori për klubin e tij. 

“Do të jetë ndeshje e mirë për të luajtur. Ata janë ekipi më i mirë në botë dhe do të jetë vështirë. Por, ne kemi ekip të mirë dhe besojmë se jemi të njejtë si forcë. Po ta mposhtim Barcelonën do të jetë hap i madh për ne - do të shkruajmë historinë e klubit,” ka thënë Aguero për ESPN. 

Ai më tej ka folur edhe për kolegun e tij nga sulmi i reprezentacionit të Argjentinës, Lionel Messi, që luan për Barcelonën, duke thënë se ‘pleshti’ është nga një planet tjetër dhe gjithmonë do të jetë më i miri në botë.