Mbetet te Barcelona!

Gerard Pique, qendërmbrojtësi i Barcelonës pritet të vazhdojë kontratën me klubin katalonas deri në qershor të vitit 2018. 

Kështu ka bërë të ditur faqja e specializuar për futboll, Goal, e cila në bazë të burimeve të saja mund të konfirmojë se përfaqësuesi spanjoll do të vazhdojë me Barcelonën. 

Sipas kësaj faqeje, Pique do të nënshkruaj kontratë katërvjeçare me ekipin blaugrana dhe do të fitojë 7 milionë euro në vjet. 

Interesimi i klubeve të Premier League për një rikthim të mundshëm të 26 vjeçarit  atje, si dhe i Juventusit në Serie A, bien në ujë me këtë që ka mësuar Goal. 

Barcelona është lidere e La Ligas aktualisht, me pikë të njejta si Atletico dhe 3 pikë më shumë se Real Madrid.