Holanda-Kosova, miqësorja e parë!

Kundërshtarja e parë e përfaqësueses së Kosovës mund të jetë përfaqësuesja amerikane e futbollit që udhëhiqet nga legjenda e futbollit gjerman Jurgen Klinsmann, mirëpo nuk është larg që ajo të jetë edhe finalistja e Kampionatit të fundit Botëoror Afrika Jugore 2010 - Holanda. 

Yjet si Robin Van Persie, Wesley Sneijder e Arjen Robben mund të jenë kundërshtarë të përfaqësueses kosovare, raporton sot e përditshmja françeze, L’Equipe. 

Sipas burimeve të kësaj gazete, ndeshja e parë e Kosovës do të zhvillohet më 5 mars të këtij viti dhe kundërshtarë të mundshëm të saj mund të jenë: SHBA, Holanda, Suedia e ndoshta edhe Bullgaria. 

L’Equipe e ka bërë të ditur këtë lajm menjëherë pasi që FIFA ka pranuar që Kosova të luajë ndeshje miqësore ndërkombëtare me disa parakushte.