Vajton pikët e humbura

Chievo ka arritur të nxjerrë një pikë nga Giuseppe Meazza mbrëmë. Pikë kjo vitale për ekipin nga Verona, derisa Interin e la 20 pikë larg liderit, Juventus. 

“S’kam mundur të kërkojë më shumë nga ekipi im. E dinim se Chievo është e organizuar në mbrojtje dhe në këso raste është vështirë të krijosh hapësirë për të shënuar, mirëpo rastin ideal e kemi lëshuar nëpërmjet Rodrigo Palacios,” ka thënë Mazzarri për mediat italiane pas ndeshjes. 

Me këtë barazim Inter ka mbetur larg liderit Juventus 20 pikë, por për më tepër, tashmë edhe Fiorentina që është e katërta u ikë 5 pikë, derisa Napoli i tretë, 10 pikë. 

“Për arsye të ndryshme kemi shumë pikë më pak sesa që është dashur t’i kemi. Nëse kemi fat, do t’i rikthejmë ato deri në fund të stinorit,” ka përfunduar Mazzari. 

Inter ka rënë mbrëmë në disavantazh befasues nga Chievo në fillim të takimit. Mirëpo, përkundër se Yuto Nagatomo e barazoi shpejtë, në 75 minutat e ardhshme nuk arriti të shënojë golin e fitores përkundër rasteve.