Kthehet Mavraj

Mërgim Mavraj që luan në Bundesliga 2 me Greuter Furthin, pas lëndimit që i kaloi me vështirësi, duke biseduar me të përditshmen gjermane, Bild, ka thënë se është i kënaqur me rikthimin e tij në fushë. 

“Jam i kënaqur që po u kthehem fushave. Më vjen keq që nuk munda t’i ndihmojë ekipit tim, por jam shëruar dhe tani më me gjurin nuk kam problem,” ka thënë Mavraj. 

Mungesa e Mavrajt ka lënë në humbje të madhe edhe kombëtaren shqiptare që ka humbur ndeshjet vendimtare për kualifikim në Kampionat Botëror 2014 në Brazil, ashtu edhe Greuter Furth, që si vendas pësoi ndaj Bochumit. Ai u lëndua në fillim të këtij muaji. Mavraj kohëve të fundit është duke u përfolur si kandidat për kapiten të ardhshëm të kombëtares shqiptare në vend të Lorik Canës.