Kurtishaj kthehet me gol, barazim në derbi

Sulmuesi i Trepçës’89, Blerand Kurtishaj i është kthyer me gol ekipit, pas suspendimit për shkak të kartonit të kuq. 

Por goli i tij në fund u pa të jetë i mjaftueshëm për një pikë, pasi që Ferronikeli vendas në pjesën e dytë të ndeshjes u vërsul për të nxjerrë pikë dhe këtë e arriti përmes sulmuesit kaçanikas Përparim Livoreka që barazoi shifrat për të përcaktuar rezultatin përfundimtar të ndeshjes, 1-1. 

TABELA AKTUALE

Në pjesën e parë përveç golit të Kurtishajt që erdhi në minutën e fundit, Ferronikeli kishte një rast të mirë, por shutin e Mendurim Ollurit e ndali një mbrojtës i Trepçës’89 dhe topi nuk e gjeti portën e mitrovicasve. 

Kurtishaj ka shënuar golin e gjashtë të stinorit sot, derisa Ferronikeli vazhdon të jetë lider i klasifikimit me 22 pikë.