Lala përzgjedhës i kombëtares U-19

Kombëtarja shqiptare U-19 nga sot do të jetë në duart e ish kapitenit kuqezi, Altin Lala.

Ai do ta zëvendësojë ish përzgjedhësin e deritashëm, Foto Strakoshën, i cili iu është bashkuar stafit të skuadrës greke Olympiakos, në të cilën luan edhe futbollisti shqiptar me nënshtetësi zvicerane, Pajtim Kasami.

Lala, i cili në muajin mars të këtij viti ishte emërtuar ndihmës trajner i kombëtares së Shqipërisë, do të vazhdoj ta mbajë njëkohësisht edhe këtë post.

Për ndryshe, 38 vjeçari Lala, është futbollisti me më së shumti paraqitje me fanellën e kombëtares, me gjithsej 79 sosh.