Laudrup befason prapë!

Asi i Real Betisit, Jose Alberto Canas, mund të kalojë në Swansea pa kurrëfarë dëmshpërblimi. Trajneri danez i ekipit uellsian, është duke u munduar të sjellë edhe një futbollist që do ta mahnit ishullin dhe ta ngrit ekipin e tij edhe më në Premier League. 

Swansea ka ofertuar me 1 milionë funta për futbollistin, mirëpo ajo është refuzuar nga klubi andaluzian. Por, ujku Laudrup e di se Canasit 25 vjeçar i përfundon kontrata në fund të stinorit dhe mund merr atë si lojtar i lirë. 

“Kemi vendosur, derisa Swansea nuk jep ofertë më të mirë, nuk do ta shesim. Në fund të fundit, ai mbetet te ne deri më 30 qershor. Ai është futbollist që jep gjithçka prej vetes në fushë,” ka thënë shefi i Real Betisit, Pepe Mel. 

Shumë ekipe spanjolle të mesit dhe fundit të tabelës janë në krizë financiare dhe një numër i madh i futbollistëve spanjoll marrin rroga prej 5 deri në 10 mijë funta në javë. E Anglia është xhennet për ata, ku shumë lehtë mund të marrin dy-trefishin e pagave. 

Swansea deri më tash ka katër spanjoll në ekip: Chico, Angel Rangel, Michu dhe transferi rekord Pablo Hernandez.