GAME 4: CAVS - CELTICS
Foto: Cavaliers/fb & NBATV/fb
Lebron 44, shënon rekord dhe barazon serinë!
22 May, 2018 @7:38
I pandalshëm. LeBron James ka qenë i pandalshëm sot. Ai ka shënuar 44 pikë, ka kaluar në listën e rekordeve Kareem Abdul-Jabbarin dhe i ka ndihmuar Cleveland Cavaliersave të barazojnë serinë finale të PlayOffit të Konferencës Lindore në 2-2.
Cleveland Cavaliers mposhti Boston Celticsin 111-102.
Seria tash do të bartet në Boston. E Boston në shtëpi këtë stinor në PlayOff ka bilanc 9-0.
Ndeshja e pestë e serisë luhet në TD Center të enjten në mëngjes (24 maj, në ora 02:30)
Sa i përket duelit të mëngjesit të sotëm, Kyle Korver shënoi 14, ndërsa Tristan Thompson 13 të tjera në fitoren e Clevelandit.
Te Bostoni, 25 pikët e Jaylen Brownit nuk mjaftuan, edhe pse 4 lojtarë tjerë shënuan pikë dyshifrore, asnjëri s’e kaloi shifrën e 19 pikëve.
Përndryshe, James kaloi Jabbarin (2356) në “shënime nga loja” Field Goals. Njejtë, ai shënoi edhe ndeshjen e 25-të në karrierë në PlayOff me mbi 40 pikë të shënuara!!!
