Të gjitha lajmet

FSHF

Letra e Dukës në rifillim të stinorit

Letra e Dukës në rifillim të stinorit

3 June, 2020 @14:24

Përmes një letre botuar në llogarinë e tij në Facebook, kreu i FSHF-së Armand Duka ka uruar rifillimin e futbollit në Shqipëri, me keqardhje për shkak të humbjeve ekonomike, mungesë të tifozëve etj.

Ai ka kërkuar që ekipet të respektojnë rregullat dhe protokollet shëndetësore ashtu që gjithçka të shkojë në rregull deri në fund të stinorit.

LETRA E PLOTË E DUKËS:

Të dashur futbollistë, tifozë dhe miq të futbollit!

Pas një periudhe të vështirë për të gjithë vendin, por edhe gjithë botën, për shkak të pandemisë Covid-19 më në fund futbolli rikthehet sot me rifillimin e kampionatit.

Kjo ndërprerje e menjëhershme e jetës sportive na ka dëmtuar, edhe ekonomikisht, por sigurisht dëmi më i madh ka qenë ai sportiv. Futbollistët e të gjitha niveleve, profesionistë, amatorë, fëmijët, nuk e kanë shumë të lehtë që të kapin të njëjtën formë sportive. Ndërprerja patjetër që ka lënë shenjën e saj dhe unë uroj ta kalojmë sa më parë, edhe pse jam i ndërgjegjshëm se nuk do të jetë e lehtë.

Edhe një herë përfitoj nga rasti t’u kujtoj të gjithë futbollistëve, zyrtarëve të klubeve dhe stafeve organizative që të jenë sa më të kujdesshëm e të zbatojnë rregullat e distancimit social dhe protokollet shëndetësore në lidhje me zhvillimin e ndeshjeve në këto kushte. Protokolle me të cilat të gjithë aktorët dhe faktorët janë njohur tashmë.
Unë jam i bindur, që ju dhe stafet tuaja, do të tregoheni të kujdesshëm në këtë drejtim, në mënyrë që gjithçka të shkojë sa më mirë.

Ndihem i keqardhur që ne nuk do të kemi mbështetjen e spektatorëve nëpër stadiume. Uroj që shumë shpejt masat kufizuese të lehtësohen dhe tifozët të kthehen në stadiume për të mbështetur skuadrat e tyre të zemrës.
Uroj nga zemra që kampionati të vazhdojë të na dhurojë sërish emocione, lojë të bukur dhe Fair-play.
Edhe një herë, urimet e mia më të mira për rifillimin e kampionatit!
Suksese të gjithëve!
Armand Duka

RIFILLIMI

Superiorja nis pas pak

3 June, 2020 @14:07

Pas 84 ditësh topi do të vendoset në qendër të fushës së futbollit dhe futbollistët e Kategorisë Superiore shqiptare do…

SHQIPËRI

FSHF informon për protkollin mjekësor

Foto: FSHF

27 May, 2020 @14:28

Sektori i Garave në Federatën Shqiptare të Futbollit zhvilloi ditën e sotme një seminar informues me delegatët e ndeshjeve, ku…

FSHF

Të hënën, pakoja financiare e FSHF-së arrin te futbollistët

Foto: FSHF

16 May, 2020 @15:16

Federata Shqiptare e Futbollit bën me dije të gjithë opinionin sportiv dhe grupet e interesit se ditën e hënë datë…

TIRANË

FSHF vendos edhe për rifillimin e Kategorisë së Parë

Foto: FSHF

14 May, 2020 @14:29

Federata Shqiptare e Futbollit ka organizuar ditën e sotme në selinë e re një takim me presidentët e klubeve të…

SHQIPËRI

Rikthimi i Superligës në Shqipëri, Duka tregon datën

13 May, 2020 @18:01

Tashmë dihet data kur do të rikthehet futbolli në Shqipëri. Përmes një postimi në Facebook, presidenti i FSHF-së, Armand Duka,…

Të gjitha lajmet nga FSHF Kategoria Superiore