Lideri e nis me humbje, ndëshkohet nga lojtari i ardhshëm

Me humbje ka filluar stinori pranveror për Skënderbeun.

Lideri i Kategorisë Superiore në Shqipëri u mposht 2-0 nga skuadra e Luftëtarit, ndërsa dy golat e fitores për Luftëtarin erdhën nga Kristal Abazaj, lojtari i ardhshëm i korçarëve.

TABELA AKTUALE KATEGORIA SUPERIORE

Gjirokastritët shënuan nga një herë për secilën pjesë, ndërsa para golit të dytë të vendasve, Skënderbeu mbeti me një lojtar më pak në terren, pasi që Radas u përjashtua pas dy kartonëve të verdhë.

Përkundër humbjes, Skënderbeut nuk i rrezikohet vendi i parë, ndërsa për Luftëtarin këto tri pikë janë mjaft të vlefshme në luftën për mbijetesë.