BEHAR DINA
Liria huazon Dinën te Ballkani
26 January, 2018 @12:55
Futbollisti i Lirisë, Behar Dina, në pranverë do të vesh fanellën e Ballkanit të Suharekës, ka bërë të ditur ekipi i tij i deritashëm, Liria.
Bardhezinjtë nga Prizreni kanë huazuar lojtarin për gjashtë muajt e ardhshme te ekipi i Ballkanit, që po kërkon rikthimin në Superligë të Kosovës.
Dina, që aktualisht gjendet me ekipin e Lirisë në Durrës në fazën përgatitore, do t’i bashkangjitet Ballkanit pasdite, pasi që edhe ekipi nga Suhareka po e kalon fazën përgatitore në bregdetin shqiptar.
