BURNLEY - CHELSEA
Lideri ndalet në ‘Turf Moor’
12 February, 2017 @16:22
Në takimin e zhvilluar sot në ‘Turf Moor’, lideri dhe favoriti për ta fituar Premier Leaguen është ndalur në barazim nga skuadra e Burnleyt, skuadra e cila sivjet po tregon formë fenomenale në ndeshjet në shtëpi dhe nëse e shikojmë tabelën e ndeshjeve të luajtura si vendas, Burnley ndodhet i katërti në Premier League.
Chelsea epërsinë e gjeti në minutën e 7’ të takimit përmes Pedros pas një superkundërsulmi, kurse Burnley u kundërpërgjigj me supergolin e Bradyt nga gjuajtja e lirë. Rastet vazhduan për të dyja skuadrat edhe në vazhdim të ndeshjes, mirëpo gol tjetër nuk pamë dhe ndeshja u mbyll me barazim.
Ky barazim e ndal pak hovin e Chelseat drejt titullit, e në anën tjetër Burnley mbetet i qetë në vendin e 12.
