PRIZREN
Liria prezanton Gjerajn dhe dy përforcime tjera
31 January, 2020 @13:49
Ish kapiteni i bardhezinjëve nga Prizreni, Robert Gjeraj, sot edhe zyrtarisht është bërë pjesë e Lirisë - ka bërë të ditur klubi prizrenas.
Ndër të tjera, përveç Gjerajt, që me përvojën e tij pritet t’i ndihmojë Lirisë në rrugëtimin e tyre drejt Superligës, ekipi ka prezantuar edhe dy lojtarë shtesë.
Fjala është për Uran Shalën, që vjen nga Ballkani, derisa është talent i dalë nga Shkolla e Futbollit të Lirisë, si dhe portieri turk Mahmut Demirgan, që vjen prej ekipit Cizrespor, nga liga e tretë e Turqisë.
Me këta, zëdhënësi i klubit të Lirisë Durak Thaçi ka bërë të ditur se ekipi ka mbyllur afatin kalimtar të janarit dhe do të nis pjesën e dytë të përgatitjeve në Durrës të Shqipërisë.
