Liria prezenton përforcimet

Skuadra e rikthyer në Superligë, Liria, sot ka prezentuar futbollistët e rinjë të cilët do ta veshin fanellë e ekipit prizrenas në stinorin e ri.

Treshes së paralajmëruar më parë si përforcime, portieri Altik Muhaxhiri dhe mesfushorët Robert Gjeraj e Alban Dylazeka, të cilët u transferuan nga skuadra e Vëllaznimit, iu bashkua edhe futbollisti ofansiv, Arlind Zylfallari, i cili edhe më parë e kishte veshur fanellën e Lirisë.

Në lidhje me këto transferime është shprehur i kënaqur edhe anëtari i bordit të klubit, Erxhan Dana.

“Mendoj që me këto prurje dhe me të tjerët që do të arrijnë në ndërkohë (përfshirë edhe përforcimet e huaja) do t’i përmbushim zbrazëtirat,” tha Dana, transmeton faqja zyrtare e klubit.

Përveç përforcimeve të përmendura, nga sot skuadrës iu është bashkuar edhe futbollisti nga Shkodra, Noris Kozmaj, i cili do të testohet për një kohë dhe më pas do të vendoset nëse do të qëndrojë në skuadër apo jo.