Liria sonte zgjedh kryetarin

Dikur me famë, tash në kërkim të saj. Liria sikur po përgatitet që t’i kthehet elitës së futbollit kosovar dhe këtë po ia nis sonte me zgjedhjen e kryetarit të ri të klubit. 

Pasi që vitin e kaluar kryetari Masar Shala kishte ndërruar jetë, ekipi bardhezi nga Prizreni me 33 delegatë pritet të zgjedh kreun e ri të skuadrës. 

Ish sulmuesi i këtij klubi, Mirsad Çollaku, përflitet se do të jetë kandidati kryesor për të marrë këtë post, mirëpo e tëra do të bëhet e ditur sonte, pas orës 18:00 kur edhe nis Kuvendi i klubit, kanë bërë të ditur mediat lokale prizrenase sot.