EDHE ZYRTARISHT TE FC MALISHEVA
Liridon Fetahaj prezantohet te Malisheva
23 June, 2023 @10:47
Futbollisti i Lirisë, Liridon Fetahaj, ashtu siç u tha dje në TopSporti.com u zyrtarizua te Malisheva sot, ndërsa ekipi ka bërë të ditur se ka kompletuar marrëveshjen për lojtarin.
Fetahaj, që ka qenë njëri ndër lojtarët kyq të Lirisë në stinorin e inkuadrimit të tyre në Superligë, është ndarë me ekipin me t’i përfunduar kontrata, ndërsa ka kaluar te ekipi i tij i ri edhe zyrtarisht sot.
“Klubi njofton se ka kompletuar marrëveshjen për transferimin e Liridon Fetahajt nga Liria në Malishevë,” — ka shkruar njoftimi i FC Malisheva.
Përndryshe, Malisheva qe dy stinorë është pjesë e rregullt e Superligës, ndërsa ditë më parë emëruan trajnerin e ri të ekipit, të rikthyerin Senad Alirifa.◼️
