Liverpool - Manchester United, pa tifozë

Liverpool dhe Everton, bashkë, ndeshjet e radhës në Premier Ligë do t’i zhvillojnë pa pranin e tifozëve, pasi që regjioni i këtij qyteti është futur në Zonën 3 të restriksioneve në Britani të Madhe, për shkak të ngritjes së rasteve me coronavirus.

Skuadrat e qytetit të Liverpoolit, kanë qenë të fundit që pranonin tifozë në stadiume pasi që gjindeshin në Zonën 2 të rrezikshmërisë që prej 2 dhjetorit.

Sidoqoftë, kjo tani më ka ndërruar dhe me restriksionet e reja nga Qeveria britanike, të gjitha skuadrat e Premier Ligës, do të detyrohen t’i zhvillojnë ndeshjet e radhës me dyer të mbyllura për tifozë.

Liverpool tre ndeshjet e radhës do t’i zhvillojë si mysafir, por ndeshja në Anfield Road ndaj Manchester Unitedit më 17 janar 2021 do të luhet pa tifozë.