Llapi i sigurtë, vazhdon luftën

Vazhdon lufta e Llapit në luftën për titullin kampion!

Skuadra e drejtuar nga Tahir Batatina sot ndaj Drenicës e shënoi fitoren e pestë rresht në Superligë, për të treguar kështu që mbetet një kandidat serioz për titullin kampion.

Pas pjesës së parë që u mbyll pa gola përkundër rasteve për shënim që u shfaqën për të dyja skuadrat, ishte Mentor Zhdrella, specialisti i gjuajtjeve të lira, ai që pikërisht nga gjuajtja e lirë ia dha epërsinë skuadrës së Llapit.

TABELA AKTUALE

Goli i Zhdrellës erdhi në minutën e 50’ të ndeshjes, ndërsa që nga ai moment skuadra e Llapit e menaxhoi mjaft mirë ndeshjen, duke e ruajtur epërsinë deri në fund dhe duke e vulosur fitoren në minutat shtesë të ndeshjes përmes golit të Ahmed Januzit, për t’u larguar nga terreni mjaft i vështirë i Drenicës me 3 pikë të fituara.

Pas fitores së sotme, LlapI ndodhet i dyti pas Prishtinës lidere, derisa Feronikeli i vendit të tretë ndeshjen e xhiros e luan nesër, ndaj KEK-ut në Obiliq.

Xhiron e ardhshme, Llapi në shtëpi e pret Dritën, kurse Drenica i shkon Prishtinës në “Fadil Vokrri”.

FORMACIONET STARTUESE