CITY - TOTTENHAM
Minimalisht, por me rëndësi të madhe
20 April, 2019 @15:31
Për herë të dytë brenda pak ditëve, skuadra e Manchester Cityt ka arritur ta mposhtë Tottenhamin në “Etihad”.
Nëse fitorja e pak ditëve më parë në Champions ishte totalisht e pavlefshme për shkak se City u eliminua falë disavantazhit të golave në terrenin mysafir, fitorja e sotme për “Citizens” mund të ketë rëndësi tejet të madhe në luftën për titull.
Edhe pse nuk zhvilloi një nga ndeshjet e saj më të mira, skuadra e Guardiolës u mjaftua me një gol të 18 vjeçarit Foden në minutën e 5’, për t’i fituar kështu 3 pikë shumë të rëndësishme dhe për ta ‘gjuajtur’ presionin te Liverpooli, i cili nesër udhëton në Uells për t’u përballur me Cardiffin.
Në anën tjetër, kjo humbje ‘nuk i bën mirë’ Tottenhamit në luftën për pozitat 3/4, me kundërshtarët e londinezo-veriorëve që ndodhen shumë pranë.
