GJILANI - PRISHTINA
Në Gjilan kërkohet kreu
20 April, 2019 @11:27
Pas mesjavës me ndeshjet e Kupës, futbolli kosovar në fundjavë vazhdon me ndeshjet e xhiros së XXVIII të Superligës.
Një nga dy ndeshjet e ditës luhet në Gjilan, ku skuadra vendase e Gjilanit e pret Prishtinën, një nga skuadrat që po lufton për titullin kampion.
Në rast të fitores, Prishtina do të ngjitet në krye të klasifikimit, të paktën derisa Feronikeli ta zhvillojë ndeshjen e vet, ndërsa Gjilani në anën tjetër do të luftojë që t’i largohet edhe më tepër zonës së barazhit.
Takimi zhvillohet me fillim nga ora 15:00 në stadiumin e qytetit në Gjilan.
